Monday, February 21, 2005

足總盃八強

抽籤結果:
修咸頓 / 賓福特 vs 曼聯 (紅魔鬼應該過關喇)

保頓 vs 阿仙奴 / 鍚菲聯 (保頓呢隊野專打老虎,加上阿仙奴如果歐聯晉級仲要分心應付,有暗湧)

紐卡素 vs 熱刺 / 森林 (熱刺應該可以擊敗森林,作客聖占士我會睇高紐卡素半籌)

布力般 / 般尼 vs 李斯特城

布力般或者般尼,同李斯特城都有點淵源。前李斯特城射手迪哥夫及中場悍將沙維治現正效力布力般,而前李斯特城領隊葛達利及牙買加國腳、著名「烏龍王」冼佳亞就係般尼的一份子,所以同李城都有丁點關係。

對於李斯特城球迷來說,呢個抽籤結果已經算係最好,一支超聯榜末份子、一支就係英冠聯的球隊,牌面上同李城係不相同仲。對賽往績方面,今屆李斯特城首循環曾於主場同般尼交過手,打成0:0平手,未分高下,而同布力般就暫時未有碰頭。個人意見,李斯特城作客成績不俗,如果對手係般尼的話,我有信心可以再晉一級,但係對住布力般就有危機,好似迪哥夫呢類咁刁鑽的前鋒,正好剋制到李城一對高但慢的中堅。相反,佢地獨沽一味的高空戰術,反而0岩晒布力般「河車」,較有把握應付得來。

又,跟據我的往績,我今季十二次下注李斯特城打和或取勝,十次鍛羽而歸,所以,就算我今次有信心,我都決定唔會買,費時剋死佢地........

0 Comments:

Post a Comment

<< Home