G13 Mania

將歡樂建築在大家痛苦上...

我知我知，好多人見到呢個戲碼，就真係悶到想死，上網更加見到有人因為呢個戲碼，而鬧臭兩隊的球迷，但係我又真係覺得好開心喎，馬刺對活塞一直係我夢寐以求的決賽戲碼(第二係馬刺對溜馬)，一直好想知道，究竟邊隊個盾硬淨0的，今次係一個好機會。

大多數人睇好馬刺可以4-1或4-2勝出，但係我又唔係好認同。馬刺西岸決賽令人錯覺得分能力都可以好強大，但係佢地對手只係太陽 -- 一隊防守不佳的球隊，因而錯覺馬刺進攻凌厲。我覺得，馬刺進攻直到現時為止，都未給予到我信心，Duncan那雙勞損的膝蓋、Parker & Ginobili 這對時靈時不靈的孖寶，還有他們飄忽的三分能力，怎樣看都是有點危。

相反，我覺得活塞的進攻穩定性頗強，而R. Wallace於拓荒者時代都展現出他對付Duncan很有方法，我記得曾有數據顯示Duncan對西岸一眾大前鋒中，以對著Wallace時積效最低，加上背後還有擅於協防的B. Wallace在伺機，絕對不比馬刺的"雙塔"遜色。

加上，兩隊教頭的師徒關係，可以預期大家對對方都很有認識，戰至第七仗的機會頗高。

posted by G13 @ 2:57 PM     0 comments