分化
領匯事件越攪越大，婆婆話一定會上訴至終審法院，而房委會又希望縮短上訴時間，令到領匯可以如期上巿。看見搵錢大計大有胎死腹中之勢，特首董建華同財政司長唐英年都藉報章"發功"，又話策劃今次訴訟的「幕後黑手」別有用心、「攪事」、「有政治動機」等等。首先，利益申報，我有申請領匯，亦覺得今次係打救房委會的一個好辦法，不過我又覺得，房委會要法庭縮短原告的上訴時間係有點於理不合。首先，之前法庭接納訴訟，即係證明公屋居民係有理據，雖然最終都係敗訴，亦足以證明今次事件唔係無的放矢。所以，我覺得原告係應該要有足夠的時間去考慮上訴、申請法援等等，若果今次接納得政府縮短時間的要求，他日其他人都有權申請，到時豈不時會變得一團糟 ?? 好多人或許會質疑今次興訟係有政治動機，但係法治社會，就係要令到任何人，無論富貴貧賤，得有權得到平等的判決，亦係我覺得，法庭絕對要維持規矩，讓原訴人有28日時間申請上訴。
今次，特首及財政司在事件仍然運作的期間「出口術」，不單對解決問題無幫助，反而令到巿民覺得他們想藉輿論壓力，去向終審庭施壓，影響審訊的公平公正。而且，今次一班泛民主派的議員「阻人發達」，令到部份巿民不滿，一向視之為眼中釘的政府，唔多唔少都係想趁機"過民主派一楝"，以"民意"打擊"民意"。咁樣做，其實都唔係咁過癮，本身呢個社會已經係分化中，富與貧、巿民與商家、官與民，都因為一連串如紅灣、西九、普選等問題，弄至各階層、各政黨不和、甚至分化，今次政府進一步令用民意打擊民意，我恐防會令到社會更加四分五裂，對於挽救香港，振興經濟等需要全民總動員的大方向，構成莫大的障礙。
posted by G13 @ 2:46 PM
0 comments
0 Comments:
Post a Comment
<< Home