樽頸
我係一個好迷醉於文字魅力的人，好希望有一天能夠以一手流暢的文字，取代說話，抒發出我的千絲萬緒。可惜最近...其實都好一段時間，我覺得自己的文字功力實在是力有不逮，似乎去到一個樽頸位置，未能寸進。當我想無病呻吟時，稍嫌文筆不夠瑰麗 ; 當我想立論理據，又覺行文不夠條理分明，已經好長一段時間，無雕刻出一篇自己覺得滿意的作品。我承認這個問題真的困擾了我好一陣子，我嘗試看更多的報章雜誌、亦有拜訪其他朋友的blog或個人創作，以提升自己的靈感，某程度上我開始寫blog都係想逼自己提升文字功力，可惜作用不大。先別論與其他央央名師作比較，就算很多朋友的blog，有的雖然只是談及一些生活小節，但文字地道有趣，令人閱讀時不禁會心微笑 ; 有的在討論大氣候大時勢，不單立輪確切，而且用字精準，真的令人可以從中得益，通通都可以令一些就算與作者風馬牛不相及的人，仍然有興趣追看。反觀自己的作品，我深信若非本人的親朋戚友，必定不會有興趣駐足觀賞。
究竟，我應該封"筆"一輪，替腦袋增增值、替手中筆加添多一點墨水 ; 抑或繼續寫、寫、寫，寓操於練，去磨練自己的文字功力呢 ??
posted by G13 @ 3:14 PM
3 comments
3 Comments:
作家,我喜歡陳慧,
Blogger, 我喜歡思存、楚、zzlai、 看不開,
他們的文字很簡潔, 用字亦準. 他們的文章, 很少"依依呀呀啊啊, 亦少用感嘆號, 但感情, 依然流露.
我呢, 一日到黑, "好犀利呀!", "好有趣呀!", "好高興呀",
嘈喧巴閉, 吵吵鬧鬧, 成條傻仔咁, 真係... -_-
陳慧我都有睇過，都幾好，不過王碧雲更加合我脾胃，妳都可以試試睇下佢0的作品。至於BLOG，我都幾鐘意zz，佢寫0既野雖然係唔關我事，但係佢用字真係幾靚，有時真係寫出左我想寫又寫唔出0既野，仲有好多blogger都好有可讀性，妳0個個部落格我都有睇架，好多好得意0既野學，遲下有時間都要請教下妳點樣整靚0的自己個部落格先得 ^_^
黃碧雲, 睇過一大篇, 但睇唔落好多, 因為太沉重, 我頂唔緊~~
個個提親我都淨係d 得意o野, 其實我都有感性o既一面o架~~ hahaha~~
唔好請教我, 自己睇晒"Blog關你事"d 文就得o架喇~
當然, 唔明就可以問囉~ ^o^
當自己的文字不夠美時, 我唯有從創意入手;
用多點離奇的字眼, 作多點跌宕的句式, 希望以型格突圍! :p
Post a Comment
<< Home