病發
病到五顏六色，又痾又嘔，而家先發自己個人都算幾老實、幾直腸直肚，唔係點會可以食乜飲乜都唔駛一分鐘還返晒出0黎?? 成間屋除左我之外一個人都無，水靜河飛，剩係聽到自己的打字聲同埋「安魂曲」的樂章，而家無乜野想，剩係唔想對手咁空虛，搵個溫香軟玉擁抱一下，暫時可以選擇的只有戴住畢業帽的Winnie the Pooh同埋未發育的Goofy，所以都係算數罷喇。越來越憎唔舒服，精神上0個份空虛寂寞感覺比身體不適更難受.....其實男人老狗做乜好似女人咁0係度撒嬌呢 ?? 都係快快手手抹乾淨嘔到一陣味的地下、沖返個涼然後鑽入被窩發返個春秋大夢好過喇。
posted by G13 @ 11:25 PM
<< Home