德國隊我見
終於有機會睇到德國全場的表現(兩隊戰至 2-2 平手)，有讚有彈。
1.
防真係麻麻，經驗尚淺，但求可以做好本份就算，好難奢望可以幫隊友"執漏"，真係好需要一位較有經驗及領導才能的老將壓陣。
昨晚所見，用希斯貝加打左閘實在是笑話!! 跟本在維拉打慣中場位置，而家硬要將佢放落左閘，經常漏位、回防意識又唔夠，成為後防的漏洞。可惜，就算是拿姆、或拉恩等曾入選的左閘，都是攻強守弱，暫時此位置上，我會幾推介試下哈化柏林的費菲(Malik Fathi)，此子身型不俗，攻守兼備，今季在球會中表現出不俗水平。
幾位年輕中堅中，麥迪薩加幾冷靜，位置感不俗，出腳盯人等都見功架 ; 侯夫有身高卻缺速度，技術粗糙，跟本未達國腳水平 ; 費達烈治久未彈此調矣，尚需多一點時間觀察。最可惜都是梅斯達，世界盃中光芒四射，傷患令他失去了數年成長的機會，不知何年何日方能重見其最高水準。
2.
進攻方面，德國自從以前列巴斯基、希士拿，至近少少的慕拿及史高爾後，都無一位有創造力的中場球員，令到進攻方面很大程度倚重兩翼側擊為主，奈何沒有了高路斯後，其他前鋒都欠缺高空威脅，令到空有攻勢但卻徒勞無功，亦大大加重了波歷克的負擔，因為本身德國的戰術係圍繞波歷克而設，佢就係中場的鎖匙人，負責分波及策動，但係今仗很多時佢要客串中鋒，殺入禁區爭頂，間接令整條脊骨失去了聯繫。
4.
前鋒仍然未有一位令人很有信心可以送球入網的射手，入球仍然過份依賴一班中場球員，而且類型太相似，都是偏向於"等波"類的前鋒，鮮有可墮後引空或支援隊友的能力，若中場供應被切斷，將變成形同虛設。
5.
奇連士文上任後，大膽起用新人，好像麥迪薩加、舒韋恩史迪加或普度斯基等，都是可造之材，而且，一批新人踼來甚具朝氣、有鬥心，隱隱然見到德國以前出名的士氣及鬥志。
posted by G13 @ 2:35 PM
0 comments
0 Comments:
Post a Comment
<< Home