講飲講食 - 日本料亭
見到報章有PROMOTE廣告，價錢可以，於是就到此一試。先講食物質素，壽司件頭比街外的細小，不過入口可以感覺到用料算新鮮，尤其是三文魚，很肥美很鮮味(可惜當時唔記得影相!)，其他如北寄貝、赤貝等都不俗，係吞拿魚比較差，苦的~~~~除了壽司外，有不少小吃及火鍋，牛肉很薄很鮮，仲可以毋須落單便自動替你補充。小吃方面，吉列豬扒及炸蝦丸可以一試，唔好試天婦羅，我差點懷疑脆漿先係主角，蝦細小得可憐。
份量方面比較小巧，有好有壞，壞的是不夠痛快，好的是讓你有胃口試多點其他東西，不過小心，由於漏單的機會率會隨著時間而提升，所以最好第一輪"柯打"盡叫想試的，小弟正正身受其害，開頭無人時，食物很快到齊，之後人多了，第二輪的東西千辛萬苦才到了七、八成。
服務方面.......侍應們都算有禮，不特止，仲會有專人同你想科學堂添............
小弟: 「唔好意思，我想話俾你知，你地個冷氣原來係滴水喎」
經理一本正經、字正腔圓地回應: 「哦，係滴水的，呢個情況好正常，因為顧客食火鍋，熱空氣上升、令到冷空氣變為水珠...(下刪三百餘字)」
其實我真係想同佢講，我係讀理科的，我係知呢個原理的，我都唔係想投訴或者趁機撈便宜丫，我見佢地食物質素都ok，希望可以知會佢地一聲，等佢地可以改善下，我要求好高咩 ??
總括而言，以呢個promote價 ($150 一位，另加一)係值得一試的，不過只係去到月底，有心人要盡快，因為做返正價係$299，不太值。
地址: 九龍皇悅酒店2/F 日本料亭
posted by G13 @ 1:03 AM
0 comments
0 Comments:
Post a Comment
<< Home