音樂 29/01
1. 終於聽左陶"吉吉"的新碟「天平盛世」，好明顯佢已經完全丟低令到佢成名的R&B，改走多元化的路線，風格同上隻碟「黑色柳丁」差不多，不過歌曲的搶耳程度就有所不及，或者咁講，新碟的質素唔能夠超越上一隻碟。主打歌「鬼」風格有點似「黑色柳丁」，比較rock少少，但係「黑色柳丁」有種勁度令到我聽到之後成個人有0的鼓動澎湃，相反「鬼」我就覺得好亂好煩好嘈，而之後幾首較抒情的作品都係同以前聽過0個0的差不多，我對佢好有期望，但聽完之後就比較失望。
2. 以前睇"Amadeus"(莫扎特傳)，講莫扎特死之前寫好左Requiem (安魂曲)，未寫完已經頂唔住死左，已0係創作的過程中，連一直好妒忌佢的Salieri都不得不佩服佢0既才華，而首安魂曲最後後亦由佢幫手埋手。電影一邊影住莫扎特下葬、一邊播住安魂曲，畫面及樂曲出奇的配合，戲內那一份悲涼悽愴的氣氛，透過安魂曲散發出來，再滲入我心入面，一時之間我好似覺得有一種傷感的電波由心入面，傳送到我腦、再令到我鼻頭一酸有想哭的衝動....我真係好識得形容0個份感覺，總之就係好入心入肺，而自此之後我就愛上左呢首樂曲。
之後，我買左套戲的OST，齋聽無畫面，就無左0個一份共鳴，我又試過買過好多其他version，都係俾唔返0個個感覺俾我....感覺有0的似考試100分滿分只考得99分咁，首樂曲俾到個feel我，但係又唔完全通到電，就係差少少令到我好唔舒服，於是....唯有拎返套戲出0黎煲返0個一段.....今日，我又咁做喇....
posted by G13 @ 11:17 PM
0 comments
0 Comments:
Post a Comment
<< Home